Archive for the ‘تردید مروجہ بدعات و رسومات’ Category

بدعت اور اہل بدعت اسلام کی نظر میں(Bidat aur Ahl-e-Bidat Islam ki Nazar Me)

دسمبر 22, 2010

زیر نظر کتاب میں مولف نے بڑی ہمت اور محنت شاقہ سے بدعت کے بارے میں حضرات صحابہ کرام، تابعین عظام، مجتہدین کرام، مجددین امت اور اولیاء اللہ کے اقوال کو جمع فرمایا ہے۔ یہ سب مضامین مختلف اسفار میں منتشر تھے، آپ نے انہیں یکجا کر کے ایک نہایت مفید ترتیب دی ہے۔ قاری کو ایک ایسے محل میں لاکھڑا کیا ہے جس کے چاروں طرف اہل اللہ بدعت کی ظلمتوں کے خلاف دہائی دے رہیں اور مرد مومن شیدائی سنت بے محابا ان سے مخلصی چاہتا ہے یہ صرف مقام سنت ہے جس سے کرنیں پھوٹتی ہیں اور بدعتوں کی ظلمتیں ٹوٹتی ہیں۔یہ رسالہ طلباء، علماء سالکین اور مبلغین کے لیے بہت مفید اور صحیح معنی میں حامی سنت اور ماحی بدعت ہے۔ اللہ رب العزت اس تالیف لطیف کو اور مفید بنائے آمین

تاریخ میلاد (Tareekh-e-Meelad)

فروری 22, 2010


خیر القرون کے بعد ہر دور میں دین کا چہرہ مسخ کرنے اور اپنی خواہشات کو پورا کرنے کے لیے اہل باطل دین میں نئی نئی اختراعات کا اضافہ کرتے رہے ہیں اوررد عمل کے طور پر اﷲ کے نیک بندے ان کی مذموم کوششوں کو خاک میں ملاتے رہے ہیں۔اسی طرز پر اسلام کی چھ صدیوں کے بعد چند نفس پرستوں نے آپ صلی اﷲ علیہ وسلم کے یوم پیدائش کی آڑ میں ایک بدعت اختراع کی اور نام مولود، میلاد رکھا جو بڑھتے بڑھتے عید میلاد اور جشن عید میلاد ہوگیا۔ ابتدا ءمیں یہ محض تذکرہ سیرت اور طعام تک محدود تھا لیکن ترقی کرتے کرتے اعتقادی اور عملی بدعات کا مجموعہ ہوچکا ہے۔ زیر نظر رسالہ کے مطالعہ سے ناظرین کو معلوم ہوگا کہ مروجہ مجلس میلاد کس صدی میں ایجاد ہوئی، کس نے ایجاد کی، کیوں ایجاد کی، سب سے پہلے اس پر کون سی کتاب لکھی گئی، اس مصنف کا مذہب کیا تھا پھر اس کے بعد اب تک اس میں کیا کیا تبدیلیاں اور ترقیاں ہوئی، ہر قرن کے علماءکرام نے اس کے متعلق کیا خیالات ظاہر فرمائے۔اللہ تعالی سے دعا ہے کہ ہمیں سچا پکا مسلمان بنائے اور نبی کی سنتوں پر عمل کی توفیق عطا فرمائے اور بدعات و خرافات سے اجتناب کرنے کی توفیق عطا فرمائے۔ آمین یا رب العالمین

Bidatiyon k Durood-o-Salam ki Sharai Hesiat (بدعیتوں کے درودوسلام کی شرعی حیثیت)

جولائی 29, 2009

Bdt_Drdامت محمدیہ صلی اللہ علیہ وسلم کا اس پر اتفاق ہے کہ فخر دوعالم صلی اللہ علیہ وسلم کی بارگاہ نبوت میں درود شریف بھیجنا بہت بڑی عبادت ہے اور حقیقت یہی ہے کہ یہ مومن کیلیے اپنے نبی شافع محشر کے ساتھ رشتہ جوڑنے کا سب سے بڑا ذریعہ ہے۔درودوسلام کے بارے میں وارد ہونے والی احادیث اور اکابرین امت کی اس موضوع پر مستقبل کتابیں درودشریف اور صلوة سلام کے فضائل سمجھنے کے لیے کافی شافی ذخیرہ ہے۔ الغرض درود شریف اور صلوة وسلام کا مسئلہ ایسا ہے جس میں کوئی خفا یا اندھیرا کہیں نہیں دیکھا گیا ۔ لیکن دور حاضر میں درود شریف اور صلوة و سلام کے عظیم مسئلے کو بھی داغدار کر دیا گیا ہے اور اس مسئلے کو آج امت کے اتفاق اور اتحاد کے شیرازے کو بکھیرنے کے لیے استعمال کیا جارہا ہے۔ زیر نظر رسالہ میں اس مسئلے کی تفسیر حدیثی اور فقہی و تاریخی حیثیت بیان کی گئی ہے تاکہ درودوسلام کی آڑ میں بدعات کی دلدل سے حفاظت نصیب ہو۔

Murawwaja Qaza-e-Umri Bidat h (مروجہ قضاءے عمری بدعت ہے)

مئی 30, 2009

Qaz_Umrبعض لوگ رمضان المبارک کے آخری جمعہ میں ایک نماز یا پانچ نمازیں اس نیت سے پڑھتے ہیں کہ اس سے تمام فوت شدہ نمازوں کی قضاء ہو جاتی ہے اور اس کو قضاء عمری کہتے ہیں۔ اسی طرح بعض لوگ جمعہ الوداع کے دن الوداع الوداع اے رمضان الوداع جیسے کلمات کہتے ہیں ۔ اس رسالہ میں ثابت کیا گیا ہے کہ قضاء عمری کا یہ طریق بدعت اور ان جیسے کلمات کا شریعت سے کوءی ثبوت نہیں ہے۔ نیز اس رسالہ میں یہ بھی بتایا گیا ہے کہ کس طبقہ کے فقہاء اور کن کتابوں سے فتوی دینا جاءز اور کن سے فتوی دینا ناجاءز ہے؛ اور موضوع احادیث کی بعض علامات بتاءی گءی ہیں۔ اور غیر مفتی بہ قول سے گریز اور سنت پر عمل کرنے کی تلقین کی گءی ہے۔

Ishq-e-Risalat ka sahi Mafhoom (عشق رسالت کا صحیح مفہوم)

مئی 30, 2009

Ish_Mfmزیر نظر رسالہ میں مولف نے عشق رسول صلی اللہ علیہ وآلہ وسلم کا صحیح مفہوم بیان کیا ہے۔ اس موضوع کے تحت جتنی ضمنی ابحاث اسکو بھی خوب برتا ہے۔ نیز عشق رسول کی علامات اور تقاضوں پر بھی سیر حاصل بحث کی ہے۔

Kia Salat-o-Salam or Mehfil-e-Meelad Bidat h (صلوہ و سلام اور محفل میلاد بدعت ہے)

مارچ 7, 2009

slt_mldزیر نظر کتاب میں درود شریف جیسی اہم عبادت کے ساتھ بدعات کا معاملہ؛ میلاد کی تاریخ؛ اس کے موجد ؛ مروج کے عقاءد و نظریات اور اس کے بارے میں علماءے احناف کے فتاوی؛ بدعات کے معانی و مفاسد کا بیان مدلل انداز میں کیا گیا ہے۔نیز یہ بھی بتایا گیا ہے کہ میلاد کے معاملے میں اہل بدعت قرآن کے معانی و تفاسیر میں بھی ردو بدل کرتے ہیں۔ دعا ہے کہ اللہ سبحانہ وتعالی حضور صلی اللہ علیہ وآلہ وسلم کے صدقے میں اس رسالے کے مولف؛ ناشر اور قاری کی نجات اور ہدایت کا ذریعہ بناءے ۔آمین

Saat Masaail (سات مساءل)

جنوری 19, 2009

sat_mslزیر نظر رسالہ میں مولف نے دین کے نام پر انجام دی جانیوالی چند بدعات و رسومات کا قرآن حدیث کی روشنی میں جاءزہ پیش کیا ہے۔ جن میں کونڈوں اور رجب کے روزہ کا حکم؛ شب معراج کے متعلق خدشات؛ شب برات اور اس کے متعلق شیعہ حضرات کی خباثت؛ نصف شعبان میں کیےجانےوالے ایصال ثواب اور ضعیف احادیث پر عمل کرنے کے مفاسد کا اصولی احاطہ کیا گیا ہے۔اللہ سے دعا ہے کہ ہر مسلمان کو سنت کے مطابق زندگی گذارنے کی توفیق عطا فرماءے۔آمین

Maut k waqt ki Bidaat (موت کے وقت کی بدعات)

جنوری 19, 2009

mot_bdtجناب رسول اللہ صلی اللہ علیہ وسلم کی تابعداری اور فرمانبرداری واجب ہے اور اسی میں مسلمانوں کی کامیابی ہے۔ لہذا خوشی کا موقع ہو یا غمی کا؛ ہر حالت میں ہر مسلمان مرد و عورت اس کا پابند ہے کہ وہ یہ علم حاصل کرے کہ اس موقع پر نبی پاک صلی اللہ علیہ وسلم کی کیا تعلیم اور ہدایت ہے۔ پھر جو کام کرنے کا آپ نے حکم دیا ہو اس کو بجا لاءے اور جس کام سے روکا ہو اس سے رک جاءے۔ اس اصولی ہدایت کی روشنی میں یہ عرض ہے کہ جب ہمارے یہاں کسی کا انتقال ہو جاتا ہے تو اس موقع پر ہم بہت سے کام ایسے کرتے ہیں جو شریعت اور سنت سے ثابت نہیں ہیں؛ ان کاموں سے بچنا ضروری ہے جو اور امور سرکار دو عالم صلی اللہ علیہ وسلم سے ثابت ہیں ان امور کو بجا لانا ضروری ہے۔ اللہ تعالی ہم سب کو دین کے تمام احکام پر عمل کرنے کی توفیق عطا فرماءے اور بدعات اور منکرات سے بچنے کی ہمت عطا فرماءے ۔آمین

Fateha ka Tareeqa (فاتحہ کا طریقہ)

جنوری 19, 2009

tha_trqکسی بھی کام کے کرنے کا جو ثواب سنت میں بتاءے گءے طریقہ کے مطابق عمل میں ہے وہ اس سے ہٹ کے حاصل نہیں کیا جاسکتا۔ اور جو سنت میں بتاءے گءے طریقہ سے ہٹ کر کوءی فعل انجام دیگا تو وہ بدعت کا مرتکب ہوگا جو سراسر گمراہی اور دین میں تحریف کے معنوں میں ہے۔ جیسا کہ آجکل بہت سی خرافات دین کے نام پر مروج ہے؛ انہی میں ایک فاتحہ اور ایصال ثواب بھی ہے۔ زیر نظر رسالہ میں عوام الناس کی اصلاح کے لیے فاتحہ کا طریقہ سنت میں بتاءے گءے طریقہ کے مطابق سوالا جوابا پیش کیا گیا ہے تاکہ سمجھنے میں آسانی ہو اور اللہ سے دعا ہے کہ عمل کی توفیق نصیب ہو۔آمین

Aisal-e-Sawab (ایصال ثواب)

جنوری 18, 2009

esl_swbجمہور اہل اسلام کا اس پر اتفاق ہے کہ میت کے لءے ایصال ثواب درست اور جاءز ہے۔ خواہ بدنی عبادت ہو خواہ مالی۔زیر نظر کتابچہ ایصال ثواب کے مسءلہ کے بارے میں حضرت مولانا محمد منظور نعمانی؛ مولانا محمد سرفراز خان صفدر؛ اور مولانا امین صفدر اوکاڑوی کے افادات پر مشتمل ہے جس میں قرآن و سنت کی روشنی میں اس مسءلہ کی وضاحت کی گءی ہے۔دعا ہے کہ اللہ سبحانہ وتعالی قارءین کو اس متفقہ مسءلہ کے سمجھنے اور سنت کے مطابق عمل کی توفیق نصیب فرماویں۔آمین